Milanning “Inter” klubi “Chelsi”dan Romelu Lukakuni ijaraga olmoqchi.
Avvalroq ma’lum bo‘lganidek, ingliz klubi belgiyalikni majburiy sotib olish imkoniyatisiz ijaraga berishga rozi bo‘lmagan, shu munosabat bilan "Inter" o‘zgartirish kiritishga majbur bo‘lgan. Taniqli insayder Janluka di Marsioning so‘zlariga ko‘ra, "neradzurrilar" 30 yoshli futbolchini 30 million yevroga sotib olish majburiyati bilan yangi ijara taklifi bilan chiqishadi. Qayd etilishicha, milanliklar rahbariyati bu summaning to‘lovini bir necha yilga bo‘lishmoqchi.
Romelu Lukaku o‘tgan mavsumda "Inter" safida 37 o‘yinda 14 gol va 7 golga assistentlik qilgan.