Миланнинг “Интер” клуби “Челси”дан Ромелу Лукакуни ижарага олмоқчи.
Аввалроқ маълум бўлганидек, инглиз клуби бельгияликни мажбурий сотиб олиш имкониятисиз ижарага беришга рози бўлмаган, шу муносабат билан "Интер" ўзгартириш киритишга мажбур бўлган. Таниқли инсайдер Жанлука ди Марционинг сўзларига кўра, "нерадзуррилар" 30 ёшли футболчини 30 миллион еврога сотиб олиш мажбурияти билан янги ижара таклифи билан чиқишади. Қайд этилишича, миланликлар раҳбарияти бу сумманинг тўловини бир неча йилга бўлишмоқчи.
Ромелу Лукаку ўтган мавсумда "Интер" сафида 37 ўйинда 14 гол ва 7 голга ассистентлик қилган.