"Inter" "Manchester Yunayted"ning darvozabon Andre Onana uchun yuborgan 45-50 million yevro miqdoridagi taklifiga rad javobini berdi. Bu haqda ijtimoiy tarmoqlar orqali insayder Alfredo Pedulla xabar berdi.
Jurnalistning fikricha, Italiya klubi darvozabonni sotishdan 60 million yevro olmoqchi. "Qizil iblislar" bosh murabbiyi, darvozabon bilan avvalroq Amsterdamning "Ayaks" klubida ishlagan Erik ten Xagning shaxsan o‘zi Onanani sotib olishdan manfaatdor.
Andre o‘tgan yozdan beri milanliklar safida o‘ynamoqda. Tomonlar o‘rtasidagi amaldagi mehnat shartnomasi muddati 2026/2027 yilgi mavsum oxirigacha hisoblanadi.