"Интер" "Манчестер Юнайтед"нинг дарвозабон Андре Онана учун юборган 45-50 миллион евро миқдоридаги таклифига рад жавобини берди. Бу ҳақда ижтимоий тармоқлар орқали инсайдер Алфредо Педулла хабар берди.
Журналистнинг фикрича, Италия клуби дарвозабонни сотишдан 60 миллион евро олмоқчи. "Қизил иблислар" бош мураббийи, дарвозабон билан аввалроқ Амстердамнинг "Аякс" клубида ишлаган Эрик тен Хагнинг шахсан ўзи Онанани сотиб олишдан манфаатдор.
Андре ўтган ёздан бери миланликлар сафида ўйнамоқда. Томонлар ўртасидаги амалдаги меҳнат шартномаси муддати 2026/2027 йилги мавсум охиригача ҳисобланади.