"Barselona" "Inter" yarim himoyachisi Marselo Brozovich borasida taklif bilan chiqmaydi.
Nashrning yozishicha, kataloniyaliklar klubning moliyaviy ahvolidagi muammolar tufayli yarim himoyachini sotib olishdan bosh tortgan. Avvalroq futbolchiga "An-Nasr" ham qiziqish bildirayotgani xabar qilingandi.
Brozovich “Inter” safida 2015 yilning yanvaridan buyon to‘p tepadi. Uning jamoa bilan shartnomasi 2026 yilning yoziga qadar mo‘ljallangan.
2022/23 yilgi mavsumda yarim himoyachi barcha musobaqalarda 40 ta o‘yinda maydonga tushib, 3 ta gol urdi va 6 ta golli uzatmani amalga oshirdi.