Madridning "Real" klubi Dushan Vlaxovich transferini ko‘rib chiqmoqda.
Madrid klubi Karim Benzema ketganidan keyin yangi markaziy hujumchi qidirmoqda. Katta ehtimol bilan klub Kilian Mbappe bilan shartnoma imzolaydi, ammo transfer shu yozda amalga oshishiga kafolat yo‘q. Madridliklar muqobil variantlarni o‘rganmoqda.
Madridning “Real” klubi “Tottenxem”dan Xarri Keyn va “Napoli”dan Viktor Osimxenni sotib olishni ko‘rib chiqdi, biroq transfer narxini o‘rgangach, ularni rad etdi. Hozirda "Real Madrid"ning uchinchi varianti - "Yuventus" hujumchisi Dushan Vlaxovich, dedi jurnalist Pakoxo Delgado.
Delgadoning fikricha, madridliklar serbiyalik futbolchini sotib olish imkoniyati bilan ijaraga olishi mumkin.
Vlaxovich o‘tgan mavsum A Seriyada 27 ta o‘yinda maydonga tushib, 10 ta gol va 2 ta golli uzatmaga mualliflik qilgan.