"Aston Villa" "Vilyarreal" markaziy himoyachisi Pau Torresni sotib olishga yaqinlashmoqda. Jurnalist Fabrisio Romanoning so‘zlariga ko‘ra, kelishuv asta-sekin yakuniy bosqichga o‘tmoqda.
Torresning "Vilyarreal" bilan shartnomasi tugashiga bir yil qoldi. Ilgari uning xizmatlariga Myunxenning “Bavariya” klubi qiziqish bildirayotgan bo‘lsa, yaqinda Tomas Tuxel jamoasi “Napoli”dan Kim Min Chje transferi bo‘yicha kelishib oldi. Endi Torres uchun yagona jiddiy da’vogar bu Unai Emeri ishlayotgan "Aston Villa".
Avvalroq Torres transfer bozorida 35 million yevroga baholangani xabar qilingandi.