"Астон Вилла" "Вильярреал" марказий ҳимоячиси Пау Торресни сотиб олишга яқинлашмоқда. Журналист Фабрицио Романонинг сўзларига кўра, келишув аста-секин якуний босқичга ўтмоқда.
Торреснинг "Вильярреал" билан шартномаси тугашига бир йил қолди. Илгари унинг хизматларига Мюнхеннинг “Бавария” клуби қизиқиш билдираётган бўлса, яқинда Томас Тухель жамоаси “Наполи”дан Ким Мин Чжэ трансфери бўйича келишиб олди. Энди Торрес учун ягона жиддий даъвогар бу Унаи Эмери ишлаётган "Астон Вилла".
Аввалроқ Торрес трансфер бозорида 35 миллион еврога баҳолангани хабар қилинганди.