"PSJ" hujumchisi Kilian Mbappe kelajagi borasida qaror qabul qilish uchun 30 iyun, juma kuni klub rahbariyatiga bilan uchrashadi.

Marca xabariga ko‘ra, 24 yoshli hujumchiga klub bilan shartnomani uzaytirish taklif etiladi. Agar u taklifni rad etsa, parijliklar yozgi transfer oynasida uning ketishini talab qiladi.

Qayd etilishicha, fransiyalik futbolchiga da’vogar “Real Madrid” “PSJ” Mbappening aniq narxini aniqlamaguncha hech qanday chora ko‘rmaydi.

28 iyun kuni “Liverpul” Mbappe uchun 300 million yevro taklif qilishga tayyorligi xabar qilingandi.

2022/23 yilgi mavsumda Mbappe barcha musobaqalarda 43 ta o‘yinda maydonga tushib, 41 ta gol urdi va 10 ta golli uzatmani amalga oshirdi. Transfermarkt uning narxini 180 million yevroga baholamoqda.