"Tottenxem" bosh murabbiyi Ange Postekoglu hujumchi Xarri Keyn bilan uchrashib oladi.
Manbaga ko‘ra, mutaxassis ta’tildan qaytgan angliyalik futbolchi bilan uning kelajagini muhokama qiladi. Iyun oyidagi xalqaro o‘yinlarda ishtirok etgan "Tottenxem" futbolchilari 12 iyul kuni klubga qaytishlari kerak.
27 iyun kuni Myunxen klubi 29 yoshli futbolchini bonuslarni hisobga olmaganda 70 million yevroga sotib olish bo‘yicha rasmiy taklif bilan chiqdi. Biroq “Tottenxem” bu taklifni rad etdi.
Angliyalik futbolchining "shporlar" bilan shartnomasi 2024 yilning yozida yakuniga yetadi. Keyn o‘tgan mavsumda APLda 38 o‘yinda 30 gol urib, ikkinchi o‘rinni egalladi.
