Yarim himoyachi Oyer Sarraga "Atletik"dan "Udineze"ga o‘tdi. 24 yoshli ispaniyalik italyan klubi bilan 2027 yilga qadar shartnoma imzoladi.
Ispaniyalik yarim himoyachi Italiyaga erkin agent sifatida ko‘chib o‘tdi, chunki 1 iyul kuni uning "Atletik" bilan shartnomasi o‘z nihoyasiga yetadi.
2022/23 yilgi mavsumda Sarraga barcha turnirlarda 30 ta o‘yinda maydonga tushib, 1 ta gol urdi va 1 ta golli uzatmani amalga oshirdi.