Ko‘rinishidan, Krishtianu Ronaldu faoliyatini yakunlagach, Lissabonda yashashni rejalashtirgan. U yerda ayni damda portugaliyalik futbolchi hashamatli qasr qurmoqda. Qurilish ishlari uch yildan beri davom etmoqda va kamida yana bir yil davom etishi kutilmoqda. Dastlab 13 million dollarni tashkil etgan bo‘lsa, hozir 36 million dollarga ko‘tarildi.
Look nashrining xabar berishicha, qo‘shnilar Ronaldudan shikoyat qilmoqda. Ular davom etayotgan qurilish ishlaridan to‘ygan.
Krishtianuning qo‘shnilaridan biri uning hududidagi chang, shuningdek, ko‘chaning to‘sib qo‘yilganidan norozi. Qo‘shnilar futbol yulduzining qurilayotgan uyini “fir’avn piramidasi” va “kasalxonaga o‘xshagan ulkan bino” deb atamoqda.
