"Marsel" yarim himoyachi Jeffri Kondogbiani sotib olganini e’lon qildi.
Fransuz klubi matbuot xizmati xabariga ko‘ra, avvalroq "Atletiko" sharafini himoya qilgan 30 yoshli futbolchi rasman "Marsel" klubiga ko‘chib o‘tdi. Avvalroq yarim himoyachining shartnomasi 4 yilga mo‘ljallangani haqida xabar berilgandi.
Jeffri Kondogbia 2020 yilda 15 million yevro evaziga "Valensiya"dan "Atletiko" safiga o‘tgan edi. Markaziy afrikalik futbolchi o‘tgan mavsumda Diyego Simeone jamoasi safida 27 ta o‘yinda maydonga tushib, 2 ta golli uzatmani amalga oshirgan. Umuman olganda, Kondogbia "matraschilar" safida 94 ta jang o‘tkazgan.
