"Sevilya" hujumchisi Alexandro Gomesning agenti Juzeppe Riso futbolchining klubdagi kelajagi haqida o‘z fikrlari bilan o‘rtoqlashdi.
"Sevilya" uni sotmoqchi emas. Men Papu keyingi mavsumda ham klubda qoladi deb umid qilaman", - deya Riso so‘zlaridan iqtibos keltiradi jurnalist Fabrisio Romano.
Oldinroq "Sevilya" moliyaviy muammolar tufayli istalgan futbolchining transferini ko‘rib chiqishga tayyorligi ma’lum bo‘lgandi.
35 yoshli argentinalik futbolchi o‘tgan mavsumda 27 ta o‘yin o‘tkazib, 1 ta gol urdi va 2 ta golli uzatmani amalga oshirdi.