“An-Nasr” darvozabon David de Xeani o‘z safiga qo‘shib olish niyatida.
32 yoshli futbolchi erkin agentlar ro‘yxatiga kiritilgan, chunki u "Manchester Yunayted" bilan 1 iyulda tugaydigan shartnomasini uzaytirmagan. Ispaniyalik futbolchi "qizil iblislar"da o‘ynashda davom etishi mumkin, ingliz klubi esa transfer byudjetining muhim qismini yangi darvozabon sotib olishga sarflamaslik uchun u bilan yangi mehnat shartnomasini kelishib olishni istamoqda.
Ayni paytda, jurnalist Alan Niksonga ko‘ra, de Xea "An-Nasr" uchun ustuvor maqsad bo‘lib qolgan. Saudiya klubi futbolchiga haftasiga 250 ming funt (290 ming yevrodan ortiq) to‘lashga tayyor.
