Dortmundning "Borussiya" klubi "Volfsburg" yarim himoyachisi Feliks Nmecha transferi borasida deyarli kelishib oldi, deya xabar beradi jurnalist Florian Plettenberg.

2 iyul, yakshanba kuni tomonlar kelishuvning yakuniy tafsilotlarini muhokama qilish uchun uchrashdilar.

Transfer summasi 30 milliondan 32 million yevrogacha bo‘ladi, 22 yoshli germaniyalik dortmundliklar bilan uzoq muddatli shartnoma imzolaydi.

Nmecha "Volfsburg" safida 2021 yilning iyulidan beri to‘p tepadi. 2022/23 yilgi mavsumda yarim himoyachi jamoa safida 32 ta o‘yinda maydonga tushib, 3 ta gol urdi va 6 ta golli uzatmani amalga oshirdi.