Дортмунднинг "Боруссия" клуби "Вольфсбург" ярим ҳимоячиси Феликс Нмеча трансфери борасида деярли келишиб олди, дея хабар беради журналист Флориан Плеттенберг.
2 июл, якшанба куни томонлар келишувнинг якуний тафсилотларини муҳокама қилиш учун учрашдилар.
Трансфер суммаси 30 миллиондан 32 миллион еврогача бўлади, 22 ёшли германиялик дортмундликлар билан узоқ муддатли шартнома имзолайди.
Нмеча "Вольфсбург" сафида 2021 йилнинг июлидан бери тўп тепади. 2022/23 йилги мавсумда ярим ҳимоячи жамоа сафида 32 та ўйинда майдонга тушиб, 3 та гол урди ва 6 та голли узатмани амалга оширди.
