"Leypsig" sport direktori Maks Eberl klub himoyachi Yoshko Gvardiolni "Manchester Siti"ga sotish bo‘yicha muzokaralar olib borayotganini tasdiqladi.
"Gvardiol "Manchester Siti"ga o‘tishni istamoqda. Biz muzokaralar olib bormoqdamiz. Agar 100 million yevro va bonuslar olsak, Yoshko Xosep Gvardiolaning qo‘lida bo‘ladi. Bu transfer Yoshkoni tarixdagi eng qimmat himoyachiga aylantiradi", - dedi Eberl.
Gvardiol “Leypsig” safida 2021 yilning iyulidan buyon to‘p tepadi. 2022/23 yilgi mavsumda 21 yoshli xorvatiyalik barcha musobaqalarda jamoasi safida 41 ta o‘yinda 3 ta gol urgan.
Transfermarkt.com portali futbolchining narxini 75 million yevroga baholamoqda.