"Leypsig"ning o‘ng qanot himoyachisi Benjamin Xenrixsga Londonning "Arsenal" klubi qiziqish bildirmoqda.

26 yoshli futbolchi "kanonirlar"ning asosiy maqsadi emas, ammo klub rahbariyati uning vakillari bilan muzokara olib borgan, deya xabar bermoqda jurnalist Florian Plettenberg.

Mikel Arteta nemis himoyachining iste’dodini yuqori baholaydi, ammo uni qo‘lga kiritish oson bo‘lmaydi, chunki "Leypsig" muhim futbolchisini sotishni istamaydi.

Transfermarkt portaliga ko‘ra Benjamin Xenrixs 15 mln yevroga baholangan. O‘tgan mavsumda futbolchi "Leypsig" safida 44 ta o‘yinda maydonga tushib, 4 ta gol va 3 ta golli uzatmaga mualliflik qilgan. Germaniya terma jamoasi tarkibida u o‘n marta maydonga tushgan.