"Лейпциг"нинг ўнг қанот ҳимоячиси Бенжамин Хенрихсга Лондоннинг "Арсенал" клуби қизиқиш билдирмоқда.
26 ёшли футболчи "канонирлар"нинг асосий мақсади эмас, аммо клуб раҳбарияти унинг вакиллари билан музокара олиб борган, дея хабар бермоқда журналист Флориан Плеттенберг.
Микель Артета немис ҳимоячининг истеъдодини юқори баҳолайди, аммо уни қўлга киритиш осон бўлмайди, чунки "Лейпциг" муҳим футболчисини сотишни истамайди.
Тransfermarkt порталига кўра Бенжамин Хенрихс 15 млн еврога баҳоланган. Ўтган мавсумда футболчи "Лейпциг" сафида 44 та ўйинда майдонга тушиб, 4 та гол ва 3 та голли узатмага муаллифлик қилган. Германия терма жамоаси таркибида у ўн марта майдонга тушган.
