"Arsenal" "Bayer" himoyachisi Jeremi Frimpongni sotib olish imkoniyatlarini o‘rganishda davom etmoqda.
Jurnalist Stefan Biyenkovskiyning so‘zlariga ko‘ra, klublar o‘rtasidagi muzokaralar bo‘lyapti. Qayd etilishicha, Bundesliga jamoasi o‘z yetakchilaridan birini 50 million yevrodan kamiga qo‘yib yubormaydi.
Eslatib o‘tamiz, o‘tgan mavsumda Frimpong 48ta o‘yinda 9ta gol urgan va 11ta golga assistentlik qilgan. Transfermarkt "Bayer"ning 22 yoshli himoyachisining narxini 40 million yevroga baholamoqda.