"Milan" "Vilyarreal" hujumchisi Samuyel Chukvuezeni o‘z safiga qo‘shib olmoqchi.

Relevo xabariga ko‘ra, italyan klubi bonuslar bilan birga 25 million yevro taklif qilgan. Biroq ispan tomoni kamida 35 million yevro talab qilmoqda.

24 yoshli nigeriyalikning amaldagi shartnomasi 2024 yilgacha mo‘ljallangan. Transfermarkt portali futbolchining narxini 25 million yevroga baholamoqda.

2022/23-yilgi mavsumda Chukvueze barcha musobaqalarda 50 ta o‘yinda maydonga tushib, 13 ta gol urdi va 11 ta golli uzatmani amalga oshirdi.