"Bavariya"ning faxriy prezidenti Uli Xyoness klub "Napoli" hujumchisi Viktor Osimxen uchun talab qilgan 180 million yevroni to‘lashga tayyor emasligini aytdi.

Football Italia nashri xabariga ko‘ra, "Bavariya" 2023/24 yilgi mavsum uchun yangi markaziy hujumchini faol izlamoqda va Viktor Osimxen, Dushan Vlaxovich va Xarri Keynga qiziqish bildirmoqda.

Xyonessning ta’kidlashicha, agar 180 million miqdori haqidagi ma’lumot to‘g‘ri bo‘lsa, "Bavariya" bunday xarajatlarni amalga oshirmaydi. Funksionerning so‘zlariga ko‘ra, klub Keyn bo‘yicha allaqachon taklif bilan chiqqan, biroq “Tottenxem” 70 million yevrodan ko‘proq pul talab qilmoqda.

Xyonessning qo‘shimcha qilishicha, "Bavariya" hujumni kuchaytirish uchun bir nechta variantlarni ko‘rib chiqmoqda, jumladan, Keyn klubga o‘tmasa, Kolo-Muani va Vlaxovichni sotib olish imkoniyati bor.