"Бавария"нинг фахрий президенти Ули Хёнесс клуб "Наполи" ҳужумчиси Виктор Осимхен учун талаб қилган 180 миллион еврони тўлашга тайёр эмаслигини айтди.
Football Italia нашри хабарига кўра, "Бавария" 2023/24 йилги мавсум учун янги марказий ҳужумчини фаол изламоқда ва Виктор Осимхен, Душан Влахович ва Харри Кейнга қизиқиш билдирмоқда.
Хёнесснинг таъкидлашича, агар 180 миллион миқдори ҳақидаги маълумот тўғри бўлса, "Бавария" бундай харажатларни амалга оширмайди. Функционернинг сўзларига кўра, клуб Кейн бўйича аллақачон таклиф билан чиққан, бироқ “Тоттенхэм” 70 миллион евродан кўпроқ пул талаб қилмоқда.
Хёнесснинг қўшимча қилишича, "Бавария" ҳужумни кучайтириш учун бир нечта вариантларни кўриб чиқмоқда, жумладан, Кейн клубга ўтмаса, Коло-Муани ва Влаховични сотиб олиш имконияти бор.
