"Brayton" yarim himoyachisi Moyses Kaysedo "Chelsi" bilan uzoq muddatli shartnoma imzolashi mumkin.
Londonliklar ekvadorlik futbolchini sotib olish ustida anchadan beri ishlamoqda, biroq hozircha “Chaykalar” bilan o‘tish shartlarini kelishib bo‘lmadi. PYC xabariga ko‘ra, "Chelsi" Kaysedoga 8 yillik shartnoma taklif qilgan. Avvalroq OAVda 21 yoshli futbolchi "ko‘klar" safiga qo‘shilishni istayotgani va allaqachon og‘zaki rozilik bergani haqida xabarlar tarqalgan edi.
"Chelsi" va "Brayton" o‘rtasidagi muzokaralar davom etmoqda. Mish-mishlarga ko‘ra, kelishuv narxi 100 million yevrodan ko‘proqni tashkil qilishi mumkin.
Moyses Kaysedo o‘tgan mavsumda 43 ta o‘yinda maydonga tushib, 1 ta gol va 1 ta golli uzatmani amalga oshirgan.













