"Брайтон" ярим ҳимоячиси Мойсес Кайседо "Челси" билан узоқ муддатли шартнома имзолаши мумкин.
Лондонликлар эквадорлик футболчини сотиб олиш устида анчадан бери ишламоқда, бироқ ҳозирча “Чайкалар” билан ўтиш шартларини келишиб бўлмади. PYC хабарига кўра, "Челси" Кайседога 8 йиллик шартнома таклиф қилган. Аввалроқ ОАВда 21 ёшли футболчи "кўклар" сафига қўшилишни истаётгани ва аллақачон оғзаки розилик бергани ҳақида хабарлар тарқалган эди.
"Челси" ва "Брайтон" ўртасидаги музокаралар давом этмоқда. Миш-мишларга кўра, келишув нархи 100 миллион евродан кўпроқни ташкил қилиши мумкин.
Мойсес Кайседо ўтган мавсумда 43 та ўйинда майдонга тушиб, 1 та гол ва 1 та голли узатмани амалга оширган.