Afsonaviy Gabriel Batistutada muammo paydo bo‘ldi. Gap shundaki, uning ranchosi mehnat inspeksiyasi vakillari tomonidan tekshirilgan. Ularga “Fiorentina” va “Roma”ning sobiq hujumchisining biznesi haqidagi ko‘plab shikoyatlar sabab bo‘lgan.
Tekshiruvlar shuni tasdiqladiki, uning ranchosida ishlaydigan odamlar haqiqatan ham yomon mehnat sharoitlariga duch kelishgan va kam maosh olishgan. Endi Batistuta uning qishloq xo‘jaligi biznesining sog‘lig‘iga putur yetkazishi mumkin bo‘lgan jiddiy jarimalarga duch kelmoqda.
Eslatib o‘tamiz, Batistutaning futbolchilik faoliyati 1988 yildan 2005 yilgacha davom etgan, u Argentina terma jamoasi safida 54 ta gol urgan.
