"Napoli" markaziy himoyachisi Kim Min Chje "Bavariya"ga o‘tishidan oldin ko‘p tibbiy ko‘rikdan o‘tdi. Bu haqda jurnalist Fabrisio Romano xabar berdi.
Insayder xabariga ko‘ra, 26 yoshli koreyalik futbolchi tez orada nemis giganti bilan shartnoma imzolaydi. Shartnoma 50 million yevroga baholangan.
O‘tgan mavsumda himoyachi barcha musobaqalarda 45 ta o‘yinda ishtirok etib, ikkita gol va ikkita golli uzatmaga mualliflik qilgan.
Qo‘shimcha qilamizki, so‘nggi mavsum yakunlariga ko‘ra, "Bavariya" yana Bundesliga chempioniga aylandi.
