Ronald Kuman Lionel Messining ketishini "Barselona"ning xatosi deb atadi.

Messi 2021 yilda “Barselona”ni tekinga tark etdi va keyinchalik “PSJ”ga o‘tdi. Argentinalik futbolchi 18 yilni Kataloniya klubi tizimida o‘tkazdi.

“Messining ketishiga qo‘yib berish — “Barselona” uchun katta xato edi.

Murabbiy sifatida ishlar yaxshi ketmasa, xavf-xatarlarimni bilaman. Murabbiy ishdan bo‘shatilishi mumkin. Menda bu borada hech qanday muammo yo‘q, bu birinchi marta sodir bo‘layotgani yo‘q.

Ammo ular klub uchun muhim shaxsga shunday munosabatda bo‘lishdi va bu unchalik adolatli kelishuv emas edi. Bu xatoni tuzatish mumkinmi, bilmayman. Hozircha ular buni ko‘rsata olmadi”, - dedi hozirda Niderlandiya terma jamoasini boshqarayotgan “Barselona”ning sobiq murabbiyi.