Рональд Куман Лионель Мессининг кетишини "Барселона"нинг хатоси деб атади.
Месси 2021 йилда “Барселона”ни текинга тарк этди ва кейинчалик “ПСЖ”га ўтди. Аргентиналик футболчи 18 йилни Каталония клуби тизимида ўтказди.
“Мессининг кетишига қўйиб бериш — “Барселона” учун катта хато эди.
Мураббий сифатида ишлар яхши кетмаса, хавф-хатарларимни биламан. Мураббий ишдан бўшатилиши мумкин. Менда бу борада ҳеч қандай муаммо йўқ, бу биринчи марта содир бўлаётгани йўқ.
Аммо улар клуб учун муҳим шахсга шундай муносабатда бўлишди ва бу унчалик адолатли келишув эмас эди. Бу хатони тузатиш мумкинми, билмайман. Ҳозирча улар буни кўрсата олмади”, - деди ҳозирда Нидерландия терма жамоасини бошқараётган “Барселона”нинг собиқ мураббийи.
