"Liverpul" ushbu transfer oynasida "Nissa" yarim himoyachisi Kefren Tyuramning transferini yakunlay olmasa kerak.
Jurnalist Fabrisio Romanoning so‘zlariga ko‘ra, mersisaydliklar so‘ralgan tovon pulini juda qimmat deb hisoblamoqda. Shuningdek, Yurgen Klopp jamoasini futbolchining talablari qoniqtirmayapti.
Oldinroq “Nissa” Turam uchun 40 million yevrodan ko‘proq talab qilgani xabar qilingandi. Ayni damda futbolchining "Liverpul"ga o‘tishi dargumon ko‘rinadi, biroq ayni paytda Kefrenning Angliya premyer-ligasiga o‘tish imkoniyati hali ham bor, chunki uning xizmatlariga "Nyukasl" ham qiziqmoqda.
22 yoshli Tyuram o‘tgan mavsumda liganing 35 o‘yinida 2 ta gol urdi va 4 ta golli uzatmani amalga oshirdi.