Bugun "PSJ"ning 6 nafar futbolchisi jamoa prezidenti Nosir al-Xelayfiyga murojaat qilishdi.
RMC Sport nashri xabariga ko‘ra, Parij klubi futbolchilari so‘nggi intervyusida jamoasi haqida salbiy gapirgan Kilian Mbappe ustidan shikoyat qilishgan.
Eslatib o‘tamiz, Mbappe "PSJ"ni ikkiga bo‘lingan klub deb atagan va bundan ko‘p mish-mishlar kelib chiqishini ham aytgandi. Manbaning aytishicha, prezident al-Xelayfiy bu so‘zlardan qattiq g‘azablangan, biroq ayni paytda ism-shariflari ko‘rsatilmagan 6 nafar futbolchi ham unga shikoyat bilan murojaat qilgan.
Mbappening "PSJ" bilan shartnomasi tugashiga bir yil qoldi. Ehtimol, Kilian o‘zining xatti-harakati bilan klub rahbariyatini "Real"ga o‘tishga majburlamoqchi.
