“Leypsig”ning ispaniyalik qanot himoyachisi Anxelinyo yaqin orada Turkiyaning “Galatasaroy” klubiga o‘tishi mumkin, deb yozadi jurnalist Fabrisio Romano o‘z tvitterida.
Manbaning xabariga ko‘ra, turk klubi 28 yoshli futbolchi bilan shaxsiy shartlar bo‘yicha to‘liq kelishuvga erishgan. Anxelinyo faqat "Galatasaroy"ga o‘tishni xohlaydi, u boshqa klublarning takliflarini ko‘rib chiqmayapti. Kelishuvni yakunlash uchun "buqalar" va turk jamoasi o‘rtasida transfer narxi bo‘yicha kelishuv zarur.
Anxelinyo o‘tgan mavsumni "Xoffenxaym"da ijara asosida o‘tkazdi. Futbolchi Germaniya Bundesligasida 33 ta o‘yin o‘tkazib, 9 ta golli uzatmani amalga oshirgan.
