“Лейпциг”нинг испаниялик қанот ҳимоячиси Анхелиньо яқин орада Туркиянинг “Галатасарой” клубига ўтиши мумкин, деб ёзади журналист Фабрицио Романо ўз твиттерида.

Манбанинг хабарига кўра, турк клуби 28 ёшли футболчи билан шахсий шартлар бўйича тўлиқ келишувга эришган. Анхелиньо фақат "Галатасарой"га ўтишни хоҳлайди, у бошқа клубларнинг таклифларини кўриб чиқмаяпти. Келишувни якунлаш учун "буқалар" ва турк жамоаси ўртасида трансфер нархи бўйича келишув зарур.

Анхелиньо ўтган мавсумни "Хоффенхайм"да ижара асосида ўтказди. Футболчи Германия Бундеслигасида 33 та ўйин ўтказиб, 9 та голли узатмани амалга оширган.