O‘zbekiston futbol hakamlari markazi Superliga joriy mavsumidan boshlab chempionatning har bir davrasi doirasida ishlagan hakamlar orasidan eng yaxshi hakamni aniqlab, uni rag‘batlantirib borishini ma’lum qildi.
Birinchi davraning eng yaxshi hakami futbol sohasida faoliyat yuritayotgan mutaxassislar, jumladan, sharhlovchi, jurnalist va murabbiylar tomonidan aniqlab olinishi rejalashtirilgan. Demak, birinchi davraning eng yaxshi hakami bo‘lish uchun keltirilgan nomzodlar bilan tanishing:
— Rahimbek Karimov;
— Shavkat Nasibullayev;
— Akobirxo‘ja Shukurullayev;
— Rustam Lutfullin;
— Temur To‘xtasinov;
— Ilgiz Tantashev.
Ma’lumot uchun, ushbu loyiha ikkinchi davradan boshlab oyma-oy amalga oshiriladi. Eng yaxshi hakam O‘zFHM tomonidan rag‘batlantirib borilishi ko‘zda tutilgan.
