Myunxenning “Bavariya” klubi yarim himoyachi Marsel Zabitserni “Roma”ga ijaraga bermoqchi emasligini ma’lum qildi. Bu haqda Giallorossa nashri xabar bermoqda.
Rim klubi avstriyalik futbolchini 2023/2024 yilgi mavsum oxirigacha ijaraga olishni va keyinroq sotib olish imkoniyatini kutgandi. Ammo myunxenliklar klub faqat yarim himoyachini sotishdan manfaatdor ekanini aniq aytib o‘tdi. Marselning shartnomasi 2025 yilning o‘rtalariga qadar mo‘ljallangan, uning transfer narxi 20 million yevro.
Zabitser o‘tgan mavsumning ikkinchi yarmida "Manchester Yunayted"da o‘ynadi. U 11 uchrashuvda qatnashib, bitta golli uzatmani amalga oshirdi.