Мюнхеннинг “Бавария” клуби ярим ҳимоячи Марсель Забитцерни “Рома”га ижарага бермоқчи эмаслигини маълум қилди. Бу ҳақда Giallorossa нашри хабар бермоқда.
Рим клуби австриялик футболчини 2023/2024 йилги мавсум охиригача ижарага олишни ва кейинроқ сотиб олиш имкониятини кутганди. Аммо мюнхенликлар клуб фақат ярим ҳимоячини сотишдан манфаатдор эканини аниқ айтиб ўтди. Марселнинг шартномаси 2025 йилнинг ўрталарига қадар мўлжалланган, унинг трансфер нархи 20 миллион евро.
Забитцер ўтган мавсумнинг иккинчи ярмида "Манчестер Юнайтед"да ўйнади. У 11 учрашувда қатнашиб, битта голли узатмани амалга оширди.