Huquqlari "Liverpul"ga tegishli bo‘lgan ispaniyalik yarim himoyachi Tyago Alkantara "Tumanli Albion"dan Turkiyaga o‘tishi mumkin.
Bu haqda Fanatik nashri jurnalistlari xabar bermoqda.
Manbaga ma’lum bo‘lishicha, 32 yoshli futbolchiga Istanbulning "Galatasaroy" klubi qiziqish bildirmoqda.
Tomonlar dastlabki muzokaralarga kirishdi. Tyagoning mersisaydliklar bilan shartnomasi kelasi yilning o‘rtalariga qadar tuzilgan. Futbolchining transfer narxi 15 million yevroga baholanmoqda.
Angliya premyer-ligasining so‘nggi mavsumida Alkantara 18 ta o‘yin o‘tkazib, gol ura olmagan. Uning ikkita sariq kartochkasi bor.