Ҳуқуқлари "Ливерпул"га тегишли бўлган испаниялик ярим ҳимоячи Тьяго Алькантара "Туманли Албион"дан Туркияга ўтиши мумкин.
Бу ҳақда Fanatik нашри журналистлари хабар бермоқда.
Манбага маълум бўлишича, 32 ёшли футболчига Истанбулнинг "Галатасарой" клуби қизиқиш билдирмоқда.
Томонлар дастлабки музокараларга киришди. Тьягонинг мерсисайдликлар билан шартномаси келаси йилнинг ўрталарига қадар тузилган. Футболчининг трансфер нархи 15 миллион еврога баҳоланмоқда.
Англия премьер-лигасининг сўнгги мавсумида Алькантара 18 та ўйин ўтказиб, гол ура олмаган. Унинг иккита сариқ карточкаси бор.
