"Liverpul" "Zenit" vingeri Malkomga qiziqish bildirmoqda.
Footmercato xabariga ko‘ra, ingliz klubining qiziqishiga qaramay, 26 yoshli braziliyalik haligacha "PSJ"ga o‘tish haqida o‘ylamoqda va parijliklardan taklif bo‘lishiga umid qilmoqda.
Malkom 2019 yilning avgustida "Barselona"dan "Zenit"ga o‘tgan edi. Braziliyalik futbolchi Sankt-Peterburg jamoasi safida barcha musobaqalarda 108 ta o‘yin o‘tkazgan, uning hisobida 42 ta gol va 24 ta golli uzatma bor.
Forvard shartnomasi 2027 yil iyun oyi oxirigacha amal qiladi. Transfermarkt.com portali futbolchining narxini 30 million yevroga baholamoqda.