"Ливерпуль" "Зенит" вингери Малкомга қизиқиш билдирмоқда.
Footmercato хабарига кўра, инглиз клубининг қизиқишига қарамай, 26 ёшли бразилиялик ҳалигача "ПСЖ"га ўтиш ҳақида ўйламоқда ва парижликлардан таклиф бўлишига умид қилмоқда.
Малком 2019 йилнинг августида "Барселона"дан "Зенит"га ўтган эди. Бразилиялик футболчи Санкт-Петербург жамоаси сафида барча мусобақаларда 108 та ўйин ўтказган, унинг ҳисобида 42 та гол ва 24 та голли узатма бор.
Форвард шартномаси 2027 йил июнь ойи охиригача амал қилади. Transfermarkt.com портали футболчининг нархини 30 миллион еврога баҳоламоқда.
