Fabrisio Romanoning so‘zlariga ko‘ra, "PSJ" yaqin kunlarda hujumchi Kilian Mbappega murojaat qiladi va ulardan hafta oxirigacha o‘z tanlovini amalga oshirishni talab qiladi.
Avvalroq, prezident Nosir Al-Xelayfiy 24 yoshli fransiyalik futbolchi uchun 2 ta variantni taqdim etgandi - bu yozda pul evaziga transfer yoki 2023/24 yilgi mavsumdan keyin shartnoma muddatini uzaytirish. Hujumchining o‘zi hamon amaldagi kelishuvni yakunlab, erkin agentga aylanishga qaror qilgan.
Shuni inobatga olib, parijliklar Mbappega bosim o‘tkazishmoqchi - agar u hafta oxirigacha yakuniy javobni bermasa, darhol uning narxi bo‘yicha muzokaralarni boshlashadi va manfaatdor klublar bilan bevosita aloqaga chiqishadi.
Kilianning o‘zi hammasi hal bo‘lgunga qadar ommaviy axborot vositalari bilan aloqaga chiqmoqchi emas.
