Kolumbiyalik 28 yoshli himoyachi, avvalroq “Barselona”da o‘ynagan Yerri Mina faoliyatini Fransiyada davom ettirish imkoniyati borligini tasdiqladi.

“Biz takliflarni tahlil qilmoqdamiz. Fransiya, Italiya va Angliya - men bilan bog‘langan ligalar.

Fransiya yaqinroqmi? Bu juda yaxshi variant, lekin men xotirjamman, qaror qabul qilishga shoshilmayapman", - deya Minaning so‘zlarini keltiradi Kolumbiyadagi Cemana nashri.

Malumotlarga ko‘ra, Liga 1 klublari "Lill" va "Lans" futbolchini o‘z safiga qo‘shib olmoqchi.

Eslatib o‘tamiz, shu yozda himoyachining "Everton" bilan shartnomasi tugadi, shartnoma uzaytirilmadi va hozirda Mina erkin agent maqomida.