Колумбиялик 28 ёшли ҳимоячи, аввалроқ “Барселона”да ўйнаган Йерри Мина фаолиятини Францияда давом эттириш имконияти борлигини тасдиқлади.
“Биз таклифларни таҳлил қилмоқдамиз. Франция, Италия ва Англия - мен билан боғланган лигалар.
Франция яқинроқми? Бу жуда яхши вариант, лекин мен хотиржамман, қарор қабул қилишга шошилмаяпман", - дея Минанинг сўзларини келтиради Колумбиядаги Cemana нашри.
Малумотларга кўра, Лига 1 клублари "Лилль" ва "Ланс" футболчини ўз сафига қўшиб олмоқчи.
Эслатиб ўтамиз, шу ёзда ҳимоячининг "Эвертон" билан шартномаси тугади, шартнома узайтирилмади ва ҳозирда Мина эркин агент мақомида.