Kilian Mbappening kelajagi noaniqligicha qolmoqda. "PSJ" prezidenti Nosir al-Xelayfi yaqinda hujumchi kelasi mavsumda jamoada qolishni istasa, shartnomasini uzaytirishi kerakligini aytdi.

Shu bilan birga, Mbappe avvalroq shartnomani uzaytirishni rejalashtirmaganini aytgandi. Futbolchiga "Real Madrid" da’vogarlik qilmoqda, ammo moliyaviy jihatlar tufayli bu yozda shartnoma tuzish oson bo‘lmaydi.

AS nashrining xabariga ko‘ra, "PSJ" Mbappening kelajagi bo‘yicha qaror qabul qilish muddatini belgilagan. Al-Xelayfi bu masala 22 iyulga, ya’ni jamoa Yaponiya safariga chiqadigan kungacha hal bo‘lishini istamoqda.

Mbappe 22 iyulgacha shartnomani uzaytirmasa, transferga qo‘yilishi mumkin.