“Manchester Siti”ning argentinalik hujumchisi Xulian Alvares kelasi mavsumda ham dunyoning eng kuchli klubi safida qoladi.

Taniqli jurnalist Fabrisio Romanoning so‘zlariga ko‘ra, jahon chempionining atrofidagilar uning “shaharliklar” lagerini ijara asosida tark etish imkoniyatini ko‘rib chiqmayapti.

Bundan tashqari, "Manchester Siti" rahbariyati hujumchi bilan shartnomani uzaytirdi, bu esa Xulianning o‘yinidan qoniqish hosil qilinganini anglatadi.

Oldinroq "Bavariya" bir mavsumga hujumchi bilan shartnoma imzolash istagi borligi va Alvaresning o‘zi boshqa top-jamoadan foydali taklif tushsagina klubni o‘zgartirishdan manfaatdor bo‘lishi haqida xabar berilgandi.

Xulian Alvares o‘tgan mavsumda 49 o‘yinda 17 ta gol urib, 5 ta golga assistentlik qildi va Chempionlar ligasi, liga va Angliya kubogi oltin medallarini qo‘lga kiritdi.