"Lasio" yarim himoyachisi Sergey Milinkovich-Savich Saudiyaning "Al-Hilol" klubiga o‘tdi.

Taniqli futbol insayderi Fabrisio Romanoning so‘zlariga ko‘ra, serbiyalik yarim himoyachi tibbiy ko‘rikdan muvaffaqiyatli o‘tganidan so‘ng Saudiya Arabistoni jamoasiga qo‘shiladi. Xabar qilinishicha, “Al-Hilol” va “Lasio” 40 million yevrolik kelishuvga erishgan.

Milinkovich-Savich bilan 3 yillik shartnoma imzolanadi. U "Lasio"da 8 mavsum o‘tkazdi. Serb futbolchisi klub safida barcha musobaqalarda 341 ta o‘yinda maydonga tushib, 69 ta gol urdi va jamoadoshlari uchun 59 ta golli uzatmani amalga oshirdi.