Taniqli insayder Fabrisio Romano "PSJ"ning “Yuventus” hujumchisi Dushan Vlaxovichga qiziqishi haqidagi mish-mishlarni tasdiqladi.
Seshanba kuni OAVda paydo bo‘lgan xabarlarga ko‘ra, 23 yoshli serb fransuz grandining asosiy transfer maqsadlaridan biriga aylangan. Romanoning so‘zlariga ko‘ra, "PSJ" vakillari "Yuventus" bilan bog‘lanib, Vlaxovichning narxi haqida ma’lumot so‘rashgan. "Keksa sinyora" foydali taklif tushsa, hujumchi bilan xayrlashishga tayyor, Turin klubi esa ijara imkoniyatini istisno qilmoqda.
Dushan Vlaxovich 2022 yilning yanvarida "Fiorentina"dan 80 million yevrodan ko‘proq summa evaziga "Yuventus"ga o‘tgan edi.