Таниқли инсайдер Фабрицио Романо "ПСЖ"нинг “Ювентус” ҳужумчиси Душан Влаховичга қизиқиши ҳақидаги миш-мишларни тасдиқлади.
Сешанба куни ОАВда пайдо бўлган хабарларга кўра, 23 ёшли серб француз грандининг асосий трансфер мақсадларидан бирига айланган. Романонинг сўзларига кўра, "ПСЖ" вакиллари "Ювентус" билан боғланиб, Влаховичнинг нархи ҳақида маълумот сўрашган. "Кекса синьора" фойдали таклиф тушса, ҳужумчи билан хайрлашишга тайёр, Турин клуби эса ижара имкониятини истисно қилмоқда.
Душан Влахович 2022 йилнинг январида "Фиорентина"дан 80 миллион евродан кўпроқ сумма эвазига "Ювентус"га ўтган эди.