"Manchester Yunayted" "Lester" vingeri Xarvi Barnsga qiziqish bildirmoqda, deb xabar beradi Daily Mail.
25 yoshli futbolchi "Nyukasl"ga o‘tishga yaqin ekani allaqachon xabar qilingandi, ammo "qizil iblislar" futbolchini qo‘lga kiritmoqchi.
Avvalroq "Nyukasl" Barns uchun 41 million yevro to‘lashga tayyor ekani xabar qilingandi.
Angliyalik futbolchi o‘tgan mavsumda "Lester" safida 40 ta o‘yinda maydonga tushib, 13 ta gol urdi va 3 ta golga assistentlik qildi. Uning shartnomasi 2025 yilning yoziga qadar mo‘ljallangan.
Transfermarkt portali futbolchining narxini 35 million yevroga baholamoqda.